Arteixo Indíxena

A ONU proclamou o ano 2019 como o Ano Internacional das Linguas Indíxenas.  Aproveitando este feito, dende o EDLG queremos aproveitar para que todo o centro, de forma globalizada, traballe sobre esta temática. A fala é unha das sinais de identidade que fan único a un pobo. No caso de Galicia, o idioma é cultura, forma parte de nós e empapa a nosa realidade social e cultural de xeito destacado.  Traballando as linguas indíxenas queremos facer consciente ao alumnado de que existen moitas linguas diferentes. A nivel centro, organizamos a repartición de tribus por niveis. En Educación Infantil traballarase África, en primeiro e segundo nivel de Educación Primaria traballarase Birmania, en terceiro e cuarto nivel traballarase a Polinesia e en quinto e sexto nivel traballarase América do Norte e do Sur. Así, levaremos a cabo múltiples actividades empregando a lingua galega como vehicular nas mesmas. Investigaremos sobre as diferentes tribus, comporanse historias cos datos recadados en lingua galega, faremos comparacións das diferentes manifestacións culturais das tribus a estudar coa galega, comporanse cancións en lingua galega a través de ritmos e melodías tribais... Como se pode comprobar, aínda que se estean a traballar tribus e organizacións sociais cunha lingua diferente á nosa, dende o equipo queremos que este feito sirva para comprobar como a lingua galega nos fai únicos, sendo conscientes da súa importancia e a súa repercusión na vida cultural material e inmaterial que nos rodea, a través das comparacións que se fagan ao longo das actividades propostas.

           

KARAOKES EuroArteixo

REVISTA 2018

Xa está aquí! Xa chegou! A nosa revista "Rego da Auga" na súa edición do ano 2018.

Como sabedes, nesta revista recollemos unha recompilación de diferentes traballos e actividades que se realizaron durante o curso que está a piques de rematar.

Este ano publicámola en formato impreso para que cada aula do centro poidese contar cun exemplar. Pero, ademais, podédela consultar aquí en formato dixital. Podedes picar sobre a imaxe de aquí abaixo ou, tamén, deixaremos un enlace permanente na columna da dereita. 

Esperamos que a disfrutedes!

CALENDARIO XUÑO 2018

Unha das constelacións protagonistas do verán é a de Escorpio.

Se durante o inverno falabamos do xigante Orión, agora que este xa se pon por debaixo do horizonte nas noites de verán, sae o seu "inimigo" o escorpión. Se non recordades todas as personaxes desta lenda, podedes refrescar a memoria clicando aquí.

EuroArteixo

Xa non queda nada para a estrea mundial do CD de "Damos a nota 2018" que, como non podería ser doutra forma, este curso está ambientado na actividade de "Galeg@s por Europa".

Estade atentos/as porque pronto coñeceredes EuroArteixo.

CALENDARIO MAIO 2018

Durante o mes de maio podemos ver a Hércules no alto do ceo nocturno:

A lenda de Hércules, ou Heracles, xa vola contamos cando falamos da constelación do León. Picade na imaxe de Hercules para recordala.

Poderedes atopar este xunto con outros contos de estrelas se picades na imaxe de abaixo, que vos levará aos recursos que ofrece gratuítamente a web de Unawe.

"Adios ríos, adiós fontes" versionado pola clase das Margaridas

Xa pasou o día de Rosalía neste ano 2018, pero a clase das Margaridas (6ºB de Educación Infantil) deixounos un recordo para a posteridade.

Aquí os tedes versionando o poema de "Adiós ríos, adiós fontes":

ITALIA: Máis actividades da clase dos monos

A primavera chegou ata Italia, máis concretamente, ata a torre de Pisa.

Aquí tedes á clase dos Monos neste monumento con decoración primaveral.

ITALIA: Máis actividades da clase dos Elefantes

En entradas anteriores xa vos amosamos como os pequenos e pequenas de 3 anos estaban a traballar a gastronomía italiana.

Desta volta, na clase dos Elefantes, están estudiando unha fermosa cidade italiana: Venecia. E, como non podía ser doutra maneira, convertéronse en gondoleiros e gondoleiras que van navegando polas súas canles.

Aquí tedes unha mostra:

Gondoleirxs

GRECIA: Receita grega na clase das Medusas

O alumnado da clase das Medusas cociñou na súa aula unha receita grega chamada Melomakarona.

Aquí tedes un vídeo onde podedes comprobar o proceso:

ITALIA: Actividades da clase dos Monos

Como xa sabedes, as aulas de 4º de Educación Infantil están traballando para aprender moitas cousas sobre o país da pizza.

As comidas típicas son un dos temas que máis chama a atención ás pequenas e pequenos sobre Italia. Pero a quen non lle gusta a gastronomía deste país?

Aquí tedes aos alumnos/as da clase dos Monos mans á obra cociñando unhas saborosas pizzas:

E, ao igual que o resto de clases de 3 anos, polo entroido a clase dos Monos tamén se disfrazou co traxe e máscaras típicos de Venecia. Aquí os tedes:

CALENDARIO ABRIL 2018

Este mes imos falar dunha constelación que xa comentamos ao comezo do curso, cando presentamos á Osa maior e á Osa menor. Trátase do pastor de bois ou Boieiro.

Autores: Clase das Medusas

Este pastor, tamén coñecido como Arcas, da voltas arredor das osas acompañado dos seus cans de caza, tal e como vos contáramos no mes de outubro. Para recordar esta historia, picade aquí.

A estrela máis importante da constelación do Boieiro (ou Bootes) é unha xigante de cor naranxa, a terceira máis brillante do ceo, chamada Arcturus. Para atopala pódese empregar como referencia "a cola" da Osa maior:

HOLANDA: Entroido na clase das Margaridas

O alumnado de 6º de Infantil "fixo unha viaxe" ata Holanda neste último entroido.

Tanto nenas como nenos vestiron o traxe típico deste país e poidemos imaxinalos rodeados/as de tulipáns nas pradeiras dos Países Baixos...

Aquí tedes unha mostra:

GRECIA: Actividades da clase das Medusas

Ás nenas e nenos de 4 anos correspondeulles estudar Grecia.

Aquí tedes un pequeno aperitivo para que vexades que cousas tan chulas están a aprender sobre este país na clase das Medusas: 

ITALIA: Actividades da clase dos Leóns

Como xa vos comentamos, os nenos e nenas de 3 anos están a aprender cousas sobre Italia.

Aquí podedes ver aos leons e leoas de Arteixo facendo pizza e espagueti de plastilina:

E, como non, neste entroido fixeron unha viaxe ata Venecia. Aquí os tedes co seu traxe típico:

REINO UNIDO: Máis actividades de entroido

Continuamos a facer un repaso de como foi o entroido dos nenos e nenas que están a traballar sobre o Reino Unido.

Como podedes ver, esta clase converteuse en Beefeaters, ou o que é o mesmo, os gardiáns ceremoniais da Torre de Londres. Comezaron a traballar no seu disfraz dende comezos de ano e o resultado foi espectacular:

A continuación podedes ver unha presentación de imaxes con cada alumno/a desta clase:

Aquí están no desfile:

E como convidados/as especiais, como xa vos contamos noutra entrada, ese día gozamos coa presenza da raíña Isabel II, a súa nora Camilla de Cornualles e o seu fillo Carlos de Gales:

REINO UNIDO: Actividades de entroido

Este entroido todos os nenos e nenas do colexio aproveitamos para disfrazarnos dalgo relacionado co país sobre o que estamos a traballar.

Das tres clases de segundo, cada unha foi caracterizada como unha rexión.

E, ademais, entre o profesorado podemos atopar á raíña Isabel II, ao seu fillo o príncipe Carlos de Gales coa súa esposa Camilla, e ao fantástico Mr. Bean.

E así foi como prepararon este evento: