RECEITARIO

Que che apetece comer?

Mmmmmm... queres que che deamos algunha idea?

Dentro de pouco teremos na biblioteca do noso cole uns libros de receitas saborosísimas que servirán de inspiración a todos os cociñeiros e cociñeiras.

Pero, para facer isto posible, precisamos da vosa colaboración!!

Participade na actividade de o "Receitario" achegando a vosa receita (fala co teu titor/a para pedirlle o modelo de formulario para redactala). Tedes ata o 16 de decembro para poder entregalas.

Cando teñamos todas as vosas receitas, xuntarémolas para formar uns libros de cociña excepcionais.

Animádevos a participar!!

O MAGOSTO

O vindeiro venres día 11 de novembro celebraremos o magosto no noso cole.

Esta tradición tan relacionada coa nosa cultura galega recórdanos como vivían os nosos avós/oas e os avós/oas dos nos@s avós/oas. Para eles e elas o magosto era unha merenda ou cea que se celebraba próxima aos días do San Martiño, tal e como é o noso caso neste ano. O elemento esencial deste banquete son as castañas.

Se queredes saber máis cousas sobre esta tradición, convidámosvos a picar AQUÍ para visitar a web do noso concello, onde nos explican máis detalles sobre esta festa. 

E para írmonos preparando para a celebración, a continuación deixámosvos unhas cantas cousiñas:

LIM Sobre o OUTONO

Conto de A CASTAÑEIRA

Conto de A CASTAÑA QUE REBENTOU COA RISA:

Canción de TRES CASTAÑAS POLO CHAN:

ACTIVIDADES PARA O CURSO 2016-2017

Xa están en marcha as actividades para este curso 2016-2017.

Animádevos a participar!!

Revista "Rego da Auga 2016"

Xa é unha tradición que, chegando o fin de curso, saia unha nova edición da revista dixital "Rego da auga", que recompila traballos e actividades realizadas polo alumnado do centro durante este curso 2015-2016, axudando desta forma a dinamizar o uso da nosa lingua galega.

Se picades enriba da portada da revista poderedes descargala en formato .pdf

Dende aquí queremos agradecer a colaboración de todos os nenos e nenas que fixeron posible a elaboración desta revista, así como tamén aos seus mestres e mestras, en especial a Alberto Patiño, encargado da montaxe un curso máis... Moitas grazas!!

Actividade "Quen dis?"

Como xa vos anunciamos, durante este curso propúxose por parte do Equipo de Dinamización Lingüística a actividade "Quen dis?", consistente na elaboración dun cartaz informativo sobre personaxes galegas destacadas no eido da música, literatura, cine, deporte, economía, etc.

Aproveitamos para agradecer e felicitar a todos aqueles alumnos e alumnas que se animaron a participar nesta actividade e así axudarnos a difundir o traballo de moitos galegos e galegas destacados no seu ámbito. 

Noraboa a todos/as os participantes!!

Velaquí tedes unha mostra dos seus traballos:

Festa dos maios

A festa dos Maios é unha celebración tradicional galega na que se exalta a beleza da natureza cando chega a primavera. 

As súas orixes remóntanse a épocas prerromanas e, como o seu nome indica, a celebración normalmente coincide no mes de maio.

Durante a festa dos Maios realizábanse representacións e bailes arredor dunhas estructuras que adoptan formas do máis variado, feitas con adornos de flores, follas e froitos.

No concello de Arteixo xa fai anos que se vén celebrando a Festa das Flores na que se organiza un concurso de Maios.

Por primeira vez este ano o noso cole presentouse a este concurso con este Maio en forma de galo, que se realizou de forma colaborativa por parte de toda a comunidade educativa do centro. E... gañamos o concurso!!
Moitas felicidades aos demais participantes e que vivan os Maios!!

Celebración das Letras Galegas 2016

Como xa sabedes, este ano adicouselle o día das Letras Galegas a Manuel María. 
No colexio tamén quixemos axudar a difundir a vida e obra deste autor e para iso colocamos estes murais nos corredores do centro:

A celebración das Letras Galegas deste ano foi un tanto especial, xa que os nenos e nenas do cole representaron un "Pasapalabra Galega", gracias ao cal poidemos coñecer máis datos sobre Manuel María ao tempo que nos divertíamos coas ocorrencias dos presentadores/as e concursantes.

Para decorar o pavillón para este acto, todo o alumnado do centro participou na elaboración da recreación a tamaño xigante do cadro de Luís Seoane "Tres soles en Galicia". O resultado foi espectacular!

Picando AQUÍ  podedes acceder a web do noso cole, onde tamén atoparedes unha presentación de imaxes sobre o cómo se fixo "Tres soles en Galicia".

Letras Galegas 2016

Como tódolos anos, o 17 de maio conmemoramos o Día das Letras Galegas.

Nesta ocasión, o autor homenaxeado é Manuel María.

Para que coñezades máis cousas sobre este autor, deixámosvos a continuación uns enlaces que nos parecen interesantes:

Escolma de poemas realizada polo CEIP Ponte dos Brozos (Arteixo) co gallo do 10º cabodano do autor

Rap de Manuel María (CEIP Antonio Fernández López - Sarria)

Actividade LIM Manuel María (CEIP Antonio Fernández López - Sarria)

Libro 3D con poemas de Manuel María ilustrados (CEE de Vilagarcía de Arousa)

 

Recitado de "Os soños na gaiola" (CEIP Juan Fernández Latorre - A Coruña)

Actividade interactiva "Roda roda" (CEIP Juan Fernández Latorre - A Coruña)

E para traballar a música tradicional galega, picade AQUÍ para traballar cun LIM elaborado polo CEIP Amaro Refoxo de Verín.

Ainda estás a tempo de participar no concurso "Que te contas?"

Aínda estás a tempo de participar no concurso "Que te contas?"

Non deixes pasar a oportunidade!!

Só tes que escribir un relato (podes facelo pola túa conta ou en equipo) e entregarllo ao teu titor/a.

A historia máis chula, convertirémola nun guión de cine.

Quen se anima a ser o noso ou a nosa guionista??

O noso cole vai ser de cine

E o Oscar vai para...

Sempre soñaches con escoitar esta frase seguida do teu nome?

Pois esta é a túa oportunidade!!

Participa no concurso "Que te contas?" e poderemos converter o teu relato nunha curtametraxe.

Recordamos "O debuxo", a curta que grabamos no curso 2013-2014.

Anímate a escribir o guión da seguinte curta!!

Anímate a participar no concurso "Que te contas?"

Día de Rosalía

O 24 de febreiro é o Día de Rosalía de Castro, co gallo da conmemoración do nacemento desta escritora.

En concreto, este ano celebramos o seu 179 cumpleanos!

E para celebralo, deixámosvos cun par de cancións.

A primeira, trátase dunha das múltiples versións musicadas dun dos seus poemas máis coñecidos: "Adiós ríos, adiós fontes". Neste caso, coa voz de Lucía Pérez, que sabemos que gusta a moitos dos nosos alumnos e alumnas:

E a segunda canción é o tema "Rosalía pequeniña", unha fermosa canción de Uxía que fará as ledicias dos máis pequenos/as e tamén dos non tan pequenos/as:

Esperamos que vos gusten.

E feliz aniversario, Rosalía!